Everyone has got their own problems …especially When it comes to privacy and parents 😂😂
“ఏంటీ సంగతీ !”
“అమ్మ కొట్టింది !.. అందుకే అలిగి ఇక్కడికి వచ్చా !”
“ఎందుకో ?”
“శుక్రవారం చక్కగా దీపం పెట్టుకుని వచ్చింది, పాట బాగుంది కదా అని ‘ఊరీకి ఉత్తరాన, దారికి దక్షిణాన .. నీ పెనిమిటి కూలినాడమ్మా’ అని పాడుతూంటేనూ … ఫెడీ ఫెడీ మని వార్నింగ్ కూడా ఇవ్వకుండా మోగించేసింది, వీపుపై విమానం మోత !! ఛాదస్తం ఎక్కువైపోతోంది అమ్మకి .”
“LOL … హా హా !”
“మరి .. నువ్వెందుకు వచ్చావో ?”
“నేను కూడా మా అమ్మ మీదే అలిగి వచ్చా !”
“నువ్వేం చేసావ్ ?”
“మా టీవీలో మ్యూజిక్ వింటుంటే కరెంటు పోయింది … అప్పుడు అక్కడ వస్తున్న పాటని చిన్నగా పాడుకుంటూ ఉన్నానా ! ఇంతెత్తు బిడ్డని అని చూడకుండా , జడ లాగి మొట్టికాయ వేసింది. ఏమి చెయ్యలేక ఇక్కడికి వచ్చా !”
“ఇంతకీ ఏం పాటో ?”
“ఇష్ష్ ..దగ్గరగా రా మరీ ! ఏం పాట అంటే .. ‘ వెయ్ రా చెయ్ వెయ్ రా ..ఎక్కడెక్కడో చెయ్ వె …!’”
“నాది జస్ట్ LOL మాత్రమే … నీది ఏకంగా ROFL !”
“సర్లే రౌడీ బేబీ విన్నావా .. ?”
“వినడమా ? what are you talking .. భట్టీ పట్టేసా !”
“కోరస్: 1 + 1 , 2 మామా …
యు + మీ , 3 మామా …. ఎయ్ రౌడీ బేబీ .. రౌడీ బేబీ ..బేబీ బేబీ …. ”
“రేయ్ .. ఎవడ్రా అక్కడ మెద్ది మీద జేరి గలాటా చేస్తా ఉండాది .. వస్తా వుండా ..ఆడ్నే ఉండండి !”
“వామ్మో .. పదవే తల్లీ .. ఛీ ఛీ ..ఈ విశాల ప్రపంచంలో మనకి చోటే లేదు !”
******************************************************************************************
“ఏంటీ చానా రోజులకి వచ్చావ్ ఇటేపు ?”
“పెద పండక్కి ఊరొచ్చాలే గానీ .. ఒక మాట చెప్తా … గమ్మున వినుకో !”
“ఆ చెప్పు ఏందో !”
“భాస్కర్ పెదనాయిన మాలూమ్ తెరెకో , రెడ్డెప్ప మామా మాలూమ్ తెరేకో , బాబు బాబాయ్ మాలుమ్ తెరెకో , హరి అన్నా మాలుం తెరెకొ … ఏ సబ్ మేరె పీచే హే రే .. !”
“హ్మ్ .. ఇంతకీ ఏందీ పండక్కి ఊరు వచ్చానంటావ్ !”
“య్య య య్యా … యా !”
“కాసేపుండు మరి .. అలా పరిగెడతావే ????”
“అమ్మో ఆకాశవాణి తిరుపతి కేంద్రం సమయం 9…మళ్ళీ తెల్లారి 6 కే ఇక మేలుకొలుపు ! వస్తా .. పసల పండక్కి వచ్చేయ్ మరి దోసెలు, నాటు కోడి పులుసు ! ఓ పట్టు పడదాం !”
Birthday with parents after a long time 💕💕😛
కొన్నేళ్ల తర్వాత పుట్టిన రోజుకి అమ్మ దగ్గరికి వస్తే
“అబ్బ!! తెల్లారింది … కాసేపు ఊరికే ఏ పని చెయ్యకుండా ఇలా ఈ ఉదయ కాంతి కిరణాలని చూస్తూ , కలరవాలు వింటూ ఉందాం !”
“లేచావా … మొహం కడుక్కుని వచ్చి కూర్చో ఓ పనై పోతుంది !”
“సర్లే .. అలాగే .. కాఫీ సిప్ చేస్తూ ఇంటి వెనుకగా వెళ్లే రైలు బండ్లని చూద్దాం !”
“కాఫీ తాగేసావా .. రా తలకి నూనె పెడ్తా .. మొక్క జొన్న పీచులా ఉంది మరీ నీ జుట్టు !”
“సర్లే ఈ పనేదో చేసేస్తే కాస్త కూర్చుని పేపర్ లో యాడ్స్ ….అక్కడక్కడా ఉన్న వార్తలు చదవొచ్చు !”
“ఇంకా ఎంతసేపు అలా … వెళ్లి తల స్నానం చేసిరా !”
“ఒకే … ! తల్లి ప్రేమ కదూ ! సర్లే !”
“ఇదిగో స్నానం అయిందిగా ఈ రోజు కూడా ఆ బుడబుక్కల వేషం ఎందుకూ .. కొత్త డ్రెస్సు వేసుకో !”
“సరే .. వేసేసుకున్నా ! టీవీ చూస్తా !”
“ముందు గుడికి వెళ్లి రా . “
“వాకే … అయిపోయింది . “
“ఎక్కడికీ .. అన్నం తిందువు గానీ రా … “
“ఇవన్నీ ఇప్పుడు తినడం లేదమ్మా నేను !!!”
“నీకోసం కష్ట పడి చేస్తే తినవూ .. అంతేలే !!”
“వద్దూ … ఆపేసేయ్ .. తింటా అన్నీ తింటా ! హ్యాప్పీస్ ఆ !”
“కాసేపు బ్రౌస్ చేసుకుందాం … !!”
“ఇంత దూరం వచ్చి కబుర్లు చెప్పవేంటి అమ్మలూ .. “
“సరే కూర్చో .. చెప్పు మరి నువ్వే విశేషాలు ఏంటో !”
“సాయంత్రం వడకి ఏ పప్పు నానెయ్యను .. ఉద్దిపప్పా .. సెనగపప్పా లేదా అలసందలా !! “
“కబుర్లన్నావ్ .. ! అమ్మా .. మా…మ్మా ..!!”
అవును ఇలాంటి సీన్ లోనే నేను కూడా ఆక్ట్ చేసి నట్టు వుందే .. నా బుడ్డది ఏంటి నన్ను అదోలా చూస్తోంది !!!
*********************************************************************************************************************************
The times when you fail at “anger management “😖😖
నాలో దాక్కున్న “అగ్ని ఆఁ ” బయటికి వచ్చే సందర్భం :
“నా కళ్ళజోడు ఎక్కడైనా చూసావా ?”
“ఆ అక్కడ .. !”
“ఎక్కడ ?”
“అక్కడే .. ఆ పక్కన !”
“నా పుస్తకం చూసావా ?”
“ఆ ఇక్కడ . దాని పక్కనే.”
“ఎక్కడ .. ఏ పక్కన !”
“అదిగో , అక్కడే .. ఆ పక్కనే !”
ఏఏయ్ , ఏయ్ , ఏయ్ … తెలుగు భాషలో నాకు నచ్చని పదాలు రెండే రెండు ….. “అక్కడ ” “ఇక్కడ”! అగ్ని ఆఁ … !
మరి నీలో ఉన్న “జమదగ్ని” బయటికి వచ్చే సందర్భం ఏంటో :
“నా ఐడి కార్డు చూసావా ?”
“ఇక్కడే , ఎక్కడో “జాగ్రత్త గా ” పెట్టా !”
“ఏయ్ ఏయ్ యే ఏయ్ … “జాగ్రత్త ” అనే పదానికి అర్ధం మార్చొద్దు ! మర్చిపోయాను అని చెప్పు సుబ్బరంగా ..
నాలో జమదగ్నిని బయటికి లాగొద్దు … ఆఁ ఆ ఆఁ !!”
*********************************************************************************************************
This day, Back in those days 🤗💕😍🥰
Don’t ask me about nowadays..no clue absolutely!🙃 February 14
“ఈరోజు మా నాన్న మా ల్యాండ్ లైన్ కనెక్షన్ పీకి పక్కన పెట్టేసాడు, రాంగ్ నంబర్స్ తో పడలేక. ట్యూషన్ కి వెళ్లేముందు మిస్డ్ కాల్ ఇవ్వకండే”
“మా నాన్న కూడా !”
“మా ఇంట్లో కూడా డిటో !”
“నా బుట్టలోకి 3 గ్రీటింగ్ కార్డ్స్ , 2 డైరీ మిల్కులు వచ్చాయి”
“నా బుట్టలోకి ఒక మంచ్, ఒక రోజా పువ్వు వే !”
“అయ్యో ! ఈ రోజు నేను లంచ్ బాస్కెట్ తెచ్చుకోలేదే …! ”
అయ్యొయ్యో … పోన్లే అందరం పంచుకుందాం లే !
పీ .టీ సార్ ఏంటే అలా చూస్తున్నాడు అందరినీ ..ముందైతే ఇళ్ళకి పోదాం పదండి .
No Comments