The great Indian Children’s day celebrations 🎉 😎😍🤗
“ఏంట్రా ఈ రోజు స్పెషల్సు !”
“అంతా మాములే ! నలుగురు టీచరమ్మలు, ఏడుగురు డాక్టర్లు , ఒక బెంగాలీ పెళ్లికూతురు ఒక్క అస్సామీ పెళ్ళికొడుకు , ఐదుగురేమో నర్సులు , ఇద్దరు మేరీమాతలు ఒక బుద్ధ భగవానుడూ, కడవ ఎత్తుకొచ్చిన శకుంతల, బాణమట్టుకొచ్చిన వేటగాడు !”
“చాల్లే ఎప్పుడూ వీళ్ళే వచ్చేది ఎలాగూ. మరి ప్రైజు ఎవరికొచ్చిందిరా ?”
“ఈ సారి స్పెషల్ ఎఫెక్ట్స్ మెర్మెయిడ్ కి ఇంకా నాగ కన్య కీ రా ! భలే ఉన్నారనుకో ! ”
“అబ్బో జలకన్యా, నాగ కన్యే .. రొటీన్ వేషాలే ఉంటాయని మిస్ అయిపోయానే ! ఛా ! ”
On Children’s day.. 😀
***********************************************************************************************************
It’s Friday night 😀 yay! #friyay
“నరుడా ఓ నరుడా ఏమి కోరికా ?”
“ఎస్కుస్ మీ .. ఎవరు సిస్టర్ మీరు ?”
“పాతాళ భైరవిని, పిలిచితివేల .. వచ్చితిని, ఏమి నీ కోరిక ?”
“సోమవారం నుండి శుక్రవారం దాకా దేకుతూ “పాండురంగ మహత్యం” లో ఎన్టీఆర్ లాగా, ‘ అమ్మా అని పిలిచినా ఆలకించవేమమ్మా ‘ అని పిలిచా, మొత్తుకున్నా…వచ్చావా? లేదే !! ఇప్పుడు శుక్రవారం రాత్రి వస్తే హౌ? ఎలా ! టెల్ మీ !! కమాన్ టెల్ మీ ఐ సే !!”
“సరే గాని, ఇప్పుడేమంటావ్ !!”
“శుక్రవారం రాత్రి కుబేరుడు వచ్చినా సోమవారం దాకా క్యూ లో ఉండాల్సిందే !! కమింగ్ బ్రో ! Bye-bye సిస్టర్ !”
***********************************************************************************************************
Done with my holidays 😒🙄
“ఉన్నావా, అసలున్నావా ? స్వామీ .. రా దిగిరా , దివి నుండి …..”
“బాలా , వచ్చితిన్ ! ఏలా ఊరికూరికే పిలిచెదవు !!”
“ఇదే ఈసారికి ఆఖరు అనుకో! ఆదివారం స్కిప్ చేసి సోమవారం వచ్చేట్టు చూడు తండ్రీ !
వరసగా 4 రోజులు సెలవులు. కథలు చెప్పి చెప్పి నోరు నొప్పి , ఆటలు ఆడించి ఆడించి తల నొప్పి , ఊ కొట్టి కొట్టీ చెవులు నొప్పి. బుర్రలో అంతా రైమ్స్ ఏ రిపీట్ మోడ్ లో ప్లే అవుతున్నాయి .
నేనెవరో , ఏంటో, జీవితం , పరమార్థం, మోక్షం, లాంటి ప్రశ్నలు పుట్టుకొస్తున్నాయ్ ! ఇంకో రోజు అంటే నా వల్ల కాదు, తొరగా సోమవారం వస్తే వాళ్ళ టీచర్ కి అప్పగించి ఒక దణ్ణం పెట్టి వస్తా !’
“ఇదిస్తే అదంటావు ! అదిస్తే ఇంకోటంటావు … అందుకే సుబ్బరంగా నా గేమ్సు , నా రూల్సు అనేది . ఆప్షన్స్ లేవు ఇక వస్తా .. మరిక పిలవకు ! ”
***********************************************************************************************************
Winter is magic 💕
“పెన్సిళ్ల కోసం సైకిళ్ళ కోసం ఆస్తి పంపకాల లెవెల్లో కొట్టుకునే తోబుట్టువులు కానీ కసిన్స్ అవనీ , పానీ పూరీ పద్దు దగ్గర పేచీ పెట్టుకునే రూమ్ మేట్స్ అవనీ హాస్టల్ మేట్స్ అవనీ,
ఇంటి పనుల దగ్గర నువ్వా నేనా అనుకునే Mr.పెళ్ళాం – Mrs.మొగుడు అవనీ … ఎవరినైనా, ఎలాంటివారినైనా దగ్గరగా చేర్చగలిగేది ఒక్కటే బిడ్డా !”
“ఏంటదీ, మనసు-మమతా ?”
“కాదు”
“ప్రేమా – ఆప్యాయతా ?”
“కాదూ”
“రాగ – ద్వేష – పాశాలా ?”
“కాదెహే , ఐనా జవాబు చెప్పమంటే వచ్చిన, వస్తూన్న, ఇంక రాబోయే ప్రోగ్రాం టైటిల్స్ చెప్తావేంటీ ?”
“మరైతే నువ్వే చెప్పు , అందరిని కలిపే ఆ శక్తి ఎవరో !”
“ఎవరో కాదు , అదీ చలి కాలం .”
“ఆ ఆఁ “
“య్యా ..యెస్ 😎”
***********************************************************************************************************
The time you get to know the value of food 😎🙏
“ఈరోజు ఆకలి వేసింది. రోజూ వేస్తుంది కదా అంటే ఏమీ చెప్పలేను. ఈరోజు కష్టపడ్డాను. శరీరం కష్టపడింది , అలసిపోయింది . ఎదో సమయానికి తినాలని తినడం కాదు, శ్రమ తర్వాత ఆకలికి నకనకలాడింది కడుపు. వేడి వేడి అన్నం, దేవుడి ప్రసాదం లా అనిపించింది. తేడా ఏంటి అంటే ‘శ్రమ.’ చేసే పని దైవం అన్నారు . ఎందుకో బాగా తెలిసొచ్చింది . కష్ట పడాలి, ఆకలి విలువ తెలియాలి ! అప్పుడే తిండి విలువ తెలిసేది .”
“అదంతా సరే గానీ, ఇంతకీ, ఏం జేసావ్ … ?”
“తొమ్మండుగురు పిల్లలని నిల్చోపెట్టి క్రిస్మస్ పాటలకి డాన్స్ వేయించే సహాయక చర్యల్లో పాలుపంచుకున్నా . పాదరసం లా జారిపోయే పిల్ల పిచ్చుకలని ఒకదగ్గర ఉడ్డగా చేయడం అనమాట .”
“ఇంకేం…శ్రమ విలువ మాత్రమే ఏంటి, పూర్వ జన్మ ఋణానుబంధ -కర్మఫలాలు కూడా తెలిసొచ్చి ఉంటాయి !”
“మరే మరే ..”
Leave a Reply